Главная Каталог Женщина-предприниматель"Xoşbəxtlik" by Turkan Devrijova

"Xoşbəxtlik" by Turkan Devrijova

2013-14-cü illərdə Renaissance-da işlədiyim vaxtlarda arada balaca kağızlar üzərində şəkillər çəkirdim, ətrafımdakı insanların cizgi qəhrəman obrazlarını yaradıb quick drawings edirdim. Üzərlərində də onları nə xoşbəxt edirdisə onun yazısını yazırdım

Love is.., happiness is.. səhifələrini də çox bəyənirdim. Beləliklə onlardan ilhamlanıb azərbaycan dilində hapiness is… seriyasını yaratdım. Xoşbəxtlik

Hobbimə çevrildi. Ayrıca ig səhifə açdım @xoshbextlik və şəkillərini çəkib yavaş-yavaş paylaşmağa başladım.

Gördüm ki, insanların xoşuna gəlir

Hətta öz xalam oğlu səhifənin mənə aid olduğunu bilmədən izləyirmiş və çox bəyənirmiş.

Az-az paylaşımlar edirdim. Bir dəfə mənim çoox bəyəndiyim əziz Lalə xanım (Eh Laleh) mənim “yarı ölü” səhifəmi təsadüfən görüb bəyənib paylaşdı. Tamamilə öz xoşu ilə. Xəbərim də yox idi. Yadımdadır, həmin story-ni görəndə necə sevinmişdim

Mənə xoşbəxtliklərimi yenidən çəkməyə ilham verdi

Sonra pandemiya gəldi. O vaxt hamı evdə oturmaqdan oxumadığı kitab, bitirmədiyi kurs qalmamışdı

Mən də getdim Apple pen aldım, adi karandaşla çəkdiyim xoşbəxtlikləri digital formaya keçirdim. Elə həmin vaxtlarda rəfiqəm ilə nə biznes quraq, nə edək deyə danışanda xoşbəxtliyimi müxtəlif medialarda (tshirts, cups, eco bags etc) çap etmək ideası yarandı.

Beləliklə mənim balaca balalarım dünyaya gəldi

Bunda əsas məqsədim gündəlik və ən kiçik anlardakı xoşbəxt məqamları əbədiləşdirməkdir

Əvvəllər fərdi sifarişlərə görə tək-tək çap edirdim. İndi isə ilk dəfədir ki, hamısını birdən çap edirəm və bu yaxınlarda ilk dəfə real yarmarkada iştirak edib məhsullarımı təqdim etdim

@greentalk.az təşkil etdiyi eco yarmarka Xoşbəxtliyim ilə iştirak etdiyimiz ilk yarmarka oldu. Aldığım reaksiyalar möhtəşəm idi

@xoshbextlik-imə uğurlar arzu edirəm və daha böyük platformalarda iştirakı üçün səbrsizlənirəm

Türkan Devjirova