Böyük adam olmuş uşaqlar. Elm adamları - 2

Salam, dostum! Bu kitabda böyük alimlər, ixtiraçılar, elm dünyasını silkələyən şəxslər – Albert Eynşteyn, Kapitan Kusto, Nikola Tesla, Yuri Qaqarin, Əl-Cəzari və Əziz Səncərdən bəhs edilir. Bəs adı “düha”, “dahi” sözlərinin sinonimi kimi istifadə olunan Eynşteyn, sualtı dünyanın möcüzələrini bizə göstərən Kusto, ixtiraları ilə bəşəriyyəti ən azı bir əsr qabağa aparan Tesla, bizə kosmosun yolunu açan Qaqarin, hələ XII əsrdə beş yüzdən çox robot düzəldən Əl-Cəzari, xərçəngin müalicəsi yolunda çox ciddi irəliləyiş əldə edən Səncər barədə nə bilirsən? Elm dünyasına günəş kimi doğan bu şəxsiyyətləri tanımaq istəyirsənmi? Kitabın qəhrəmanları bu böyük şəxsiyyətlərin uşaq yaşlarındakı hallarıdır. Gəl onları birgə tanıyaq!