Doğum xəritəsinin daxili inkişafımıza təsiri

Astrologiya ilə məşğul olmağa başladığım ilk gündən etibarən bu sahədə qazandığım təcrübələr mənim üçün yalnız bilik deyil, eyni zamanda saysız-hesabsız sualların yaranmasına səbəb oldu. Zaman keçdikcə fərq etdim ki, bu suallar təkcə mənə aid deyil.
Ətrafımdakı insanlar – dostlarım, tanışlarım və məsləhət almaq istəyənlər – astrologiya ilə bağlı eyni mövzular ətrafında tez-tez suallar ünvanlayır, anlayışlarda qarışıqlıq yaşayırdılar.
Məhz bu suallar və real təcrübələr məni astrologiyanı daha sadə, anlaşılan və hər kəs üçün əlçatan bir dildə izah etməyə sövq etdi. Çünki astrologiya yalnız mütəxəssislər üçün deyil, özünü tanımaq, həyatını anlamaq və doğru istiqamət seçmək istəyən hər kəs üçün faydalı ola biləcək bir bilik sistemidir. Mənim məqsədim bu kitabda astrologiyanı mürəkkəb terminlərdən uzaq, gündəlik həyatda qarşılaşdığımız situasiyalarla əlaqələndirərək təq-
dim etməkdir. Bu kitabda paylaşdığım məlumatlar illər ərzində topladığım müşahidələrə, praktiki təcrübələrə və mənə ən çox verilən suallara əsaslanır. Oxuduqca siz də astrologiyanın yalnız proqnoz verməkdən ibarət olmadığını, əslində insanın daxili dünyasını, potensialını və həyat yolunu anlamaqda güclü bir vasitə olduğunu hiss edəcəksiniz. Ümid edirəm ki, bu kitab astrologiyaya yeni başlayanlar üçün aydın bir bələdçi, artıq maraqlananlar üçün isə daha dərindən düşünməyə və öz xəritələrinə fərqli baxışla yanaşmağa imkan verən bir mənbə olacaq.