Drakula

Əsərin mənfi qəhrəmanı qraf Drakula gerçək ömrünü neçə əsr qabaq başa vurub, lakin hələ xortdan kimi yaşayır. O, insan qanına yerikləyən vampirdir, adamların qanını içir, onları öz zombilərinə, kölələrinə çevirir və bu ehtirasını söndürmək üçün hər fitnəyə qol qoyur. Qraf Drakulanın getdikcə artan iştahası onu xarabazar qəsrindən çıxıb daha izdihamlı, daha gur məskən seçməyə vadar edir. Onun məqsədi yeni insan növü yaratmaqdır. O öz bəndələrini yaratmaq istəyir və Allaha meydan oxuyur. Güclüdür, hiyləgərdir, bütün insanlardan təcrübəlidir… Ölmür, amma heç də ölməz deyil…