Əlvida, Kolumbus

Günümüzün ən məşhur Amerika yazıçılarından biri olan və bu gün də yaşayıb-yaradan Filip Rot 1933-cü ildə Nyu-Cersi ştatının Nyuark şəhərində, mühacir yəhudi ailəsində doğulub. Dəfələrlə ədəbiyyat üzrə Nobel mükafatına namizəd olub, ABŞ və ingilis ədəbiyyatının “Pulitzer” və “Man Booker” kimi ən prestijli mükafatlarına, “Əlvida, Kolumbus” povestinə görə isə nüfuzlu “National Book Award” ədəbiyyat ödülünə layiq görülüb. “Əlvida, Kolumbus” povesti iki gəncin, Nil və Brendanın sevgi münasibətləri fonunda 1950-1960-cı illər Amerika cəmiyyətində formalaşan ailədaxili məsələlər, cinsi-əxlaqi problemlər, o dövrün etika kodeksindən bəhs edir. Kitabda müəllifin iki maraqlı hekayəsi də yer alıb.