Gecə musiqisi

London yaxınlığında mənzərəli yerdə, göl kənarında köhnə, baxımsız və uçuq-sökük bir malikanə var. Yerli sakinlərin “İspan evi” adlandırdığı bu malikanənin ətrafında gərginlik artır. İkiuşaqlı gənc dul qadın – İzabella Delansi üçün bu ev sevimli ərinin qəfil ölümündən sonra həyatda üzləşdiyi itki və sarsıntılardan gizlənə bilmək üçün sığınacaqdır. Malikanənin təmiri ilə məşğul olan və qiymətləri həddindən artıq şişirtməklə İzabellanı evdən çıxarmağa çalışan Mett Makkarti üçünsə bu, “İspan evi”ni ələ keçirmək üçün fürsətdir. Tikinti işləri ilə məşğul olan bir sahibkar – Nikolas Trent üçün bu, köhnə evin yerində varlılar üçün lüks qəsəbə salmaq imkanıdır. Bayron Fört isə, heç olmasa, müvəqqəti olaraq başını soxmağa bir daxma axtarır. Qəhrəmanlarımızın heç birinin istəyi üst-üstə düşmür. Bəs məqsədlərinə çatmaq üçün onlar nə qədər irəli getməyə hazırdırlar?