Gözəl və Bədheybət

Biri vardı, biri yoxdu, bir tacir vardı. Onun üç qızı, üç oğlu vardı. Kiçik qızın adı Gözəl idi. Hamının sevimlisi olduğuna görə bacıları ona paxıllıq edirdilər. Bir gün tacir iş dalınca şəhərə hazırlaşırdı Sevimli qızı Gözəl atasından xahiş etdi ki, qayıdanda ona qızılgül gətirsin. Tacir şəhərdə işlərini gördü. Evə qayıdanda qar yağmağa başladı. Tacir meşədə yolu azdı. Hava çox soyuq idi. Külək vıyıldayır, ac canavarlar ulayırdı. Qaranlıqda onların gözləri par-par yanırdı. Birdən uzaqdan işıq göründu. Tacir həmin tərəfə gedib gördü ki, bura qədim qəsrdir.