Günəş göy üzünə qayıtmasa

Həyat əhvalatlarla doludur və bu əhvalatlar hamının
gözü qarşısında baş verir. Lakin nəyin ədəbi material ol-
duğunu incə yazıçı müşahidəsi müəyyən edir. Əlinizdəki
hekayələr toplusu çoxumuzun gördüyü, yaşadığı həyatın
yazıçı diqqətinə layiq tərəfləridir. Mövzular müxtəlifdir:
sevgi, ayrılıq, azadlıq, həsrət, müharibə... Ona görə həm
maraqla oxunur, həm də fərqli estetik zövq yaşadır.