Hərflərin oyunu

Nağıl disleksiyalı, yəni oxuma və əzbərləmə qabiliyyəti çətin olan Cavidan adlı balaca oğlanın başına gələn qəribə əhvalatla başlayır. Onun səkkiz yaşı var və disleksiyalı olduğuna görə sinif yoldaşlarından fərqlənir. Məktəbdəki tədbirlərdə, səhnəciklərdə ona verilən rolların mətnini nə qədər etsə də, əzbərləyə bilmir. O, bunun səbəbini anlamasa da, çıxış yolları axtarmağa çalışır. Nəhəyət günlərin birində təsadüfən Xəyalə müəllimənin bu sirri açıb anasına danışdığını eşidir. İndi artıq Cavidanı düşdüyü sehrli aləmdən çıxmaq və özünü təsdiq etmək üçün böyük mübarizə gözləyirdi. Bacara biləcəkdimi? Bunu nağılın sonuna çatanda biləcəksiniz. Kitab “Mücrü” nəşriyyatının “Çoxbilmiş” seriyasında nəşr edilmişdir.