Kəsişməyən nöqtə

Bəzən insanın ən böyük savaşı qarşısındakı düşmənlə deyil, öz daxilində gizləmən qaranlıqla olur. Bakıda baş verən müəmmalı ha-disələr bir-birindən uzaq görünən şəxsləri eyni sirrin ətrafında birləşdi rir. Qədim miflər, naməlum simvollar, latınca ifadələr və illərdir gizli şəkildə fəaliyyət göstərən "Lilitin andı" adlı şəbəkə adi cinayətlərin arxasında daha böyük və təhlükəli bir həqiqətin dayandığını göstərir.

Qurban seçilən qadınlar, gizli ayinlər və "Lux post ignem" - "İşıq yalnız yanandan sonra doğulur" şüarı bu qaranlıq sistemin əsas fəl-səfəsinə çevrilib.

Polis mayoru Ramil Məmmədov bu sirrin izinə düşdükcə yalnız cinayətkarlarla deyil, öz keçmişi və vicdanı ilə də üz-üzə qalır. Ha-disələrin mərkəzində isə Sara dayanır. O bu gizli şəbəkənin qurbanına çevrilsə də, həqiqətin üzə çıxmasında rol oynayan əsas fiqurlardan biridir. Kamranın qədim mifologiyalar və latın dili üzərindən apardığı araşdırmalar isə hadisələrin təsadüfi olmadığını, bütün izlərin eyni qaranlıq sistemə bağlandığını ortaya qoyur.

Romanın digər mühüm siması İosif Levidir. Kilsədə müqəddəs və mərhəmətli keşiş kimi tanınan bu qoca, əslində, insanların qorxula-rından və zəifliklərindən istifadə edən gizli şəbəkənin əsas fiqurların-dan biridir. Onun keçmişi isə şərin necə yarandığına və insanın öz yaralarını başqalarının həyatına necə çevirdiyinə işıq salır.

Bir sözlə, yazıçı Zaur Vaqifoğlunun ilk qələm təcrübəsi olan "Kəsişməyən nöqtə” romanı yalnız gizli təşkilat, cinayət və istintaq haqqında əsər deyil. Bu, vicdanla qanun, qisasla ədalət, qorxu ilə cəsarət, qaranlıqla işıq arasında gedən mübarizənin hekayəsidir.