Martin Eden

Martin Eden özündən fərqli və yüksək sosial təbəqəyə sahib olan ailənin qızı Ruth'a aşiq olur və ona çatmaq həyatının əsas məqsədinə çevrilir. Martin'in sevdiyi qadın üçün edə bilməyəcəyi heçnə yoxdur. Çünki Martin Eden üçün dünyada sevgidən daha gözəl və ucası yoxdur. Ruth'a bəslədiyi sevgidən aldığı güclə dayanmadan çalışaraq inanılmaz bir çevrilmə yaşayır.
Ruth'u əldə etmək üçün çox oxumağa və özünü təkmilləşdirərək yuxarı sosial təbəqəyə çatmağa çalışır.
O gözəlliyə, aydın şüura və sevgiyə sahib olmaq istəyirdi. Ruth'u əldə etmək üçün az yatır, çox çalışırdı.
Oxumaq və öyrənmək həvəsindən sonra Martin'də yazıçı olmaq xəyalları yaranır. Bu xəyala daha çox bağlanmağa başlayır.
İçindəki gücə inanan, özünə güvənən, bir gün yaxşı yazar olacağını düşünən Martin, Ruth'dan aldığı məhəbbətin gücü ilə yorulmadan mübarizə aparır və böyük bir həyat imtahanı verir. Aclıq, pulunun olmaması və yaşadığı bütün çətinliklər Martin'i hədəfindən döndürmür.
Martin Eden hörmət etdiyi, heyran və paxıllıq etdiyi, arzusunda olduğu burjua və intellektual cəmiyyətin təbəqəsinə yüksəldikcə əslində onların heç də elə olmadıqlarını anlamağa başlayır. Onlar düşündüyündən də aşağı səviyyədədirlər.
Oxuduğu bütün kitablar onu mədəniyyətli, bilikli, anlayışlı bir insan etdikcə, ədəbiyyat, rəssamlıq, fəlsəfə, elm, siyasət kimi sahələrdə biliklər qazandıqca heyran olduğu o insanların nə qədər cahil olduqlarını dərk edərək məyus olur. Digər insanların kitablardan bir şeylər öyrənə bilməməsi onu heyrətə gətirir.
Hər şeyin göstərişdən ibarət olduğunu, həvəslə baxdığı o insanların kibirli və qısqanc olduqlarını anlayaraq həyata qarşı olan marağını və sevincini itirməyə başlayır.

📝Martin Eden kitabı məndə həqiqətən dərin bir iz qoydu. Oxuyun və oxutdurun.