Mavi mərmərə

“Mavi mərmərə” əsəri 2010-cu ildə Qəzzaya humanitar yardım aparan “Azadlıq donanması”nın tərkibindəki eyniadlı gəmidə baş verən faciəli hadisələri bədii formada təqdim edir. Romanın mərkəzində dənizçi Mehdi obrazı dayanır. O, gündəlik həyatından, dənizlə bağlı xatirələrindən başlayaraq insanlıq borcu naminə qatıldığı bu təhlükəli səfəri və səfər zamanı üzləşdiyi zorakılığı oxucuya öz baxış bucağından təqdim edir.