Mən qayıdanda evdə ol

Mən indi həyatın əbədiliyini daha aydın hiss edirəm. Heç kim ölməyəcək və bu həyatında bir-birini sevənlər hökmən sonra da görüşəcəklər. Bədənimiz, adımız, milliyyətimiz – hər şey başqa cür olacaq, lakin maqnit kimi bir-birimizi çəkəcəyik, çünki sevgi insanları əbədi olaraq birləşdirir. Hələlik isə, həyatımı yaşayıram – sevirəm və bəzən, sevgidən də yoruluram. Hər anı yaddaşıma qeyd edir və onu içimdə qoruyub saxlayıram ki, sabah, yaxud o biri həyatımda hər şey haqqında yaza bilim.