Mənim ilk 100 sözüm

Uşaqların erkən nitqi daha çox ətraflarında gördükləri obyektlərin adı və müxtəlif emosiyalarını bildirən səslərdən ibarət olur. Bu səbəbdən kitabda 100 ən çox işlənən sözdən əlavə, həmçinin emosiyalar, heyvan səsləri və antonimlər də yer alıb. Eyni zamanda, kitabın içində uşağınızın “burun”, “ağız”, “saç” kimi sözləri əyləncəli şəkildə öyrənməsi üçün öz əksini görə biləcəyi güzgü də var. “Mənim ilk 100 sözüm” kitabındakı söz və ifadələr uşaqların ilk sözləri ilə bağlı aparılan beynəlxalq araşdırmalara əsaslanır. Hər bir söz uşağın asanlıqla anlayacağı sadə bir şəkillə təsvir edilib. Kitabda kiçikyaşlı uşaqlar bu sözləri həm azərbaycanca, həm də ingiliscə öyrənəcəklər. Həmçinin hər səhifədə övladınızla söhbət etmək üçün ilham mənbəyi ola biləcək rəngarəng şəkillər tapa bilərsiniz.