Milyoner zehnin sirləri

Kanadada doğulan müəllif yetkinlik yaşlarında ABŞ-a köçür, ona uğur gətirən idman alətləri mağazalar şəbəkəsini qurana qədər onlarla sahədə iflas edir. Bu mağazalardan milyonlar qazanan Eker yanlış idarəetmə sayəsində sərvətini itirir. Düşdüyü vəziyyətdən sarsıntı keçirən Eker varlı insanların həyatını, pulla davranışını, sərvət idarəçiliyini araşdırıb təhlil etməyə başlayır. Araşdırmalarının nəticəsi kimi "Milyoner zehnin sirləri" kitabını yazır və kitab "New York Times" bestsellerinə çevrilir. O həm də eyni adlı təlimlərə başlayaraq, nəinki itirdiyi sərvəti bərpa edir, hətta bir çox sahələrə yatırımlar etməklə sərvətinə sərvət qatır.