Miraj

Bir saata yaxındır, bilib-bilmədiyi bütün mövzulardan danışan, Eşqini də danışdırmağa çalışan Namaz indi dünyanın ən səssiz adamına çevrilmişdi. “Görəsən, hara gedirik?” İçindəki çək-çevirdən, sorğu-sualdan boğulurdu, ha istəyirdi, təzədən dağdan-daşdan söz salsın, Eşqini də danışdırsın, o yaşıl kürəcikdə nəyin, ya kimin olduğunu öyrənsin, amma özündə cəsarət tapa bilmirdi. Beləcə getdikcə yaşıl kürəciyə doğru yaxınlaşır, yarım saat əvvəlcə iyirmi dəqiqə ilə, sonra on beş, sonra da on dəqiqə ilə əvəzlənirdi.