Pelikenin qayıdışı

Rusiyalı yazıçı Alyona Karimovanın “Pelikenin qayıdışı” uşaqlar üçün yazılmış sehrli bir hekayədir. Əsərin qəhrəmanları Çukot tanrısı Peliken, qarğa Kutx və Uzaq Şərqdə yaşayan xalqların əcdadlarıdır. Süjet Kamçatkanın bənzərsiz və gözəl təbiətli yerlərində, eləcə də bölgənin paytaxtı Petropavlovsk-Kamçatski şəhərində baş verir. Pelikenin başına qəribə hadisə gəlir, olduqca qəribə şəraitdə o kim olduğunu və bu dünyadakı məqsədini unudur. Müasir beşinci sinif şagirdləri Andrey və Nastya isə ona özünü axtarmaqda kömək edir və bu yolda doğma vətənləri haqqında çox şey öyrənirlər. Eyni zamanda özləri də yer üzündə insanın yeri və taleyi haqqında düşünməyə başlayırlar.