Peter Musiqi Alətləri Diyarında

Əziz balaca kitabsevərlər!

Mən sizə Azərbaycan dilinə tərcümə etdiyim macar yazıçısı Klara R.Hitsin “Peter Musiqi Alətləri Diyarında” kitabını təqdim edirəm. Musiqi ilə dost olmaq, onu yaxından tanımaq istəyənlər üçün nağıl üslubunda yazılmış bir əsərdir.

Əziz balalar! Bu kitab sizi musiqi alətləri ilə, melodiyanın, harmoniyanın, musiqi qanunlarının, simfoniyanın nə olduğu və bir çox maraqlı məlumatlarla tanış edəcək. Baxmayaraq ki, bu nağılın yaşı çoxdur, onun süjeti, personajları heç vaxt qocalmır. Əsərin tacı olan Musiqi isə, təbii ki, ölməzdir.

Əsərin qəhrəmanı balaca Peter musiqi ilə bağlı yeniliklərlə tanış olarkən oxucuları da, sanki özü ilə bu sehirli dünyaya aparır.

Arzum bu kitab vasitəsilə sizdə musiqiyə sevgi yaratmaqdır.

Aygül Qaradağlı.