Səlimə

“Səlimə” poeması Şamaxının coğrafiyası, əhalisinin həyat tərzi, dini baxışları, sosial durumu, iqtisadi, ticari vəziyyəti, mənəvi aləmi haqqında yığcam məzmunlu əsərdir. Müəllif Şamaxı təbiətini vəsf edəndə sosial həyatını da göz önündə canlandırmaqla qiymətli etnoqrafik bilgi verdiyi kimi, şiəlik-sünnilik ədavətindən, zəngin və yoxsulluqdan, qaçaq, quldur, kazak gözətçilərindən bəhs etməklə ictimai-siyasi məzmunlu məlumat ötürür. “Səlimə” poeması yalnız ehtiraslı eşq, nakam məhəbbət hekayəsi deyil, Şamaxıya qoyul-muş söz abidəsidir: “Şamaxı! Ağ saçlı Şərqin bəzəyi; Elm-ürfan məşəli! Sənət çiçəyi!”