Şopenhauer tərbiyəçi kimi

Alman filosofu Fridrix Niçşe bu essesini canlı olaraq heç zaman görmədiyi (bunu təəssüflə qeyd edir) müəllimi filosof Artur Şopenhauerə həsr edib. Lakin esse əvvəldən sona qədər sırf Artur Şopenhauerin şəxsiyyətiylə bağlı deyil. Niçşe həm də Şopenhauerin timsalında azad, müstəqil, mənəvi baxımdan təmiz və öz fərdiyyətinə sadiq qalmaq istəyən mütəfəkkir, ziyalı modelini həyatda gözləyən təhlükələrdən və onlarla mübarizə yollarından bəhs edir. Ancaq bu mövzunu da varlıq və fərd, həyat və bilgi, həqiqi kültür və filisterlik mövzularıyla yan-yana təhlil edir.