Uzaqlar, köhnə dənizlər...

Portuqal ədəbiyyatının ən böyük simalarından biri olan Fernando Pessoa (1888-1935) dünya poeziyasının ən sirli və çoxqatlı şəxsiyyətlərindən sayılır. Onun "Uzaqlar, köhnə dənizlər" adlı şeirlər kitabı insan ruhunun labirintlərində dolaşan, özünü və dünyanı anlamaq istəyən bir şairin daxili səyahətidir. Pessoa təkcə bir şair deyil, o, bir çox heteronimlərin yaradıcısıdır: Alberto Kaeiro, Rikardo Reis, Alvaro ci Kam-pos və başqa adlarla şeirlər yazıb, bu adlar onun içindəki müxtəlif səslər, baxış bucaqları idi. Hər biri fərqli dünya-görüşə, fəlsəfəyə və emosional ritmə sahibdir. Bu kitab da məhz həmin çoxsəsliliyi əks etdirir. Pessoanın poeziyası tənhalıq, kimlik axtarışı, ölüm, Tanrı, sevgi və zaman kimi mövzuların dərin bədii düşün-cəsidir. Onun şeirlərində həm intellektual dərinlik, həm də sadə bir kədər var. Bu kitab yalnız poeziya toplusu deyil, düşünən, şübhə edən və axtaran ruhların səsidir.