Yer üzünün ən bəxtəvər adamı

Azadlıq, seçim və sərbəstliyi təşviq edən bir əsərdir. Bu, təkcə ağrı-acı dolu tərcümeyi-hal deyil, oxucunun qanını donduran, dəhşət və vəhşət dolu həyat hekayəsidir. Alman nasizmi, Hitler despotizmi və günahsız Holokost qurbanları haqqında tarixi avtobioqrafiyadır. Tarixdən dərs almaq istəyiriksə, sağ qalanların yazdığı bu cür kitabları oxumalı, onların şahidi olduqları hadisələri təhlil etməliyik. Bu ona görə lazımdır ki, bəşəriyyət daha belə faciələri təkrarlamasın. Bu dünya bizim hamımız üçündür və orada hamımıza yer var. Hansısa bir xalqı, qövmü yer üzündən silmək istəməyin arxasında hansı qeyri-insani hisslər dura bilər? İnsan qəddarlığı nələrə səbəb olur? Bu kitab hamı üçün bir dərsdir. Yaxşılığın çoxalması üçün yaxşı işlər görmək lazımdır. Müəllifin özünün də vurğuladığı kimi, “kədər – paylaşdıqca azalır, xoşbəxtlik – paylaşdıqca artır”. Dünyanın gözəlləşməsi üçün biz özümüz gözəl işlər görməli, müharibələrə, qırğınlara son qoymalı, əl-ələ tutub olduğumuz yeri gülüstana çevirməyi bacarmalıyıq.