İsveçrə səfirliyinin nümayəndələri "Əli və Nino" -da!

02 Noyabr tarixində “Əli və Nino” Crescent Mall filialında İsveçrə  səfirliyinin dəstəyi ilə çox maraqlı bir tədbir keçirildi. Isveçrə ədəbiyyatının ən məşhur əsəri olan "Haydi" kitabının təqdimatı və oxu saatı baş tutdu. 
Əvvəlcə cənab səfir Tomas Stahli "Haydi" kitabının təqdimatını etdi, daha sonra aktyor və qiraətçi Allahverdi bəy kitabı uşaqlar üçün oxudu. Tədbiri uşaqlar üçün daha maraqlı etmək məqsədilə onlar üçün rəsm müsabiqəsi də təşkil edildi və bütün uşaqlar qalib elan edilərək  hədiyyələrlə təltif olundular.
Həmçinin tədbir iştirakçıları üçün İsveçrə  mətbəxinə aid ləziz təamlarla zəngin süfrə açıldı. Əziz Şərarə xanım təkcə bütün layihəni icra etmədi, həm də ənənəvi İsveçrə şirniyyatlarını hazırladı.

Çox gözəl və unudulmaz bir tədbir baş tutdu! Bütün tədbir iştirakçıları və ən önəmlisi uşaqlar çox xoşbəxt idilər.🥰 Bu gözəl tədbirə görə İsveçrə səfirliyinə, xüsusi olaraq Şərarə xanıma və Zahir bəyə, öz dərin təşəkkürümüzü bildiririk.🥰