10 Sərkərdə

Bu kitab bir müddət məni təqib edən adamın həyat hekayəsindən doğuldu. Bir gün yaxınlaşıb elə cümlə dedi ki, dayanıb onu dinləməli oldum: "Sizin kitabınızı oxumaq üçün oxumağı öyrəndim". Danışdıqları yalnız bir insan taleyi deyildi. KİM OLDUĞUMUZU BAŞIMIZA GƏLƏNLƏR TƏYİN ETMİR - onun hekayəsi bu heyrətamiz həqiqətin təsdiqi idi. Bu həqiqət o qədər mühüm idi ki, insanın əsl kimliyini, qeyri-adi gizli qüvvələrini üzə çıxaracaq bir kitabın yazılma- sını tələb edirdi. "10 SƏRKƏRDƏ" bir insanın mübarizəsi ilə başlayır, ancaq çox keçmədən üzünü sənə çevirir. Əgər sənin yerinə qərarları keçmişin verməsəydi, indi kim olardın? İnsan bəzən seçmədiyi bir həyatı o qədər uzun müddət yaşayır ki, onu öz taleyi hesab edir. Əgər gecənin bir vaxtı içindən "Başqa cür yaşaya bilərdim..." fikri keçirsə, onu susdurmağa tələsmə. Bu, peşman- lığın yox, hələ yaşamadığın əsl həyatın səsidir.