Bozatın belində

Dünyada elə bir igid varmı öz ömür-gün yoldaşı ilə iyirmi beş il qaranlıq mağaralarda, qalın meşələrdə, qarlı dağlarda yaşasın: Dünyada elə bir cəngavər varmı at belində böyüyüb, at belində vuruşsun, at belində qocalıb, at belində həlak olsun?.. Belə bir xalq qəhrəmanına və onun özündən qoçaq can sirdaşına bəstələnən el nəğmələri anaların laylasına qarışıb körpələrin beşiyinə axıb. O körpələrdən biri də bu kitabın müəllifidir: indi canına hopmuş bu nəğmələri nasir qələmi ilə yenidən bəstələyir. Oxumağa dəyər.