Entropik dünya

“Bu kitab Modernizm əsrinin böhranı nəticəsində ortaya çıxan entropik sivilizasiya və onun simptomları haqqında bəhs edir. Bu sivlizasiyada metafizik reallıq ilə əlaqəsini bütünlüklə itirən modern insan texnolojiləşir, mexaniki-texnomorf şərtləndirmələrin qısqacında dərin ontoloji tənəzzül yaşayır. Spiritual transsendensiya anlayışının dərk edilmədiyi bu dünya varlığının mahiyyəti qeyri-varlıqdan ibarət olan, narsist, daxilən formasız və dayanıqsız insan kütlələrinin dünyasıdır. Materializm bu yeni növ insanın substansiyasına və onun ekzistensial səciyyəsinə çevrilib. Bütün perspektivlərdən dekadent olan bu entropik dünyada insan üçün ehtiyac duyulan onu bayağı maraqlar və həzzlərdən, saxta qorxular və ümidlərdən azad edərək daxilində bir metanoya doğura biləcək qüvvədir”.