Evə aparan uzun yol

Bu kitab insan həyatının təsadüflərlə dolu kiçik hadisələr fonunda tamamilə necə dəyişdiyini göstərən real bir hekayədən bəhs edir. Vətənindən, ailəsindən, doğmalarından təsadüfən ayrı düşən beşyaşlı uşağın qəlbində gizli qalan xatirələrinin illər sonra necə gücə çevrildiyini, öz köklərini tapmaq istəyinin kilometrləri necə aşdığını bu hekayədə görəcəksiniz. Yaşa dolduqca Sarunun yaddaşının dumanlı künclərində gizlənmiş şəkillər, bir küçənin səsi, bir evin kölgəsi, bir hissin qoxusu, sanki özünə səsləyir və bir gün o nə olduğunu özü də bilmədən bu çağırışa tərəf gedərək mümkünsüz görünən axtarışa başlayacaq. Bəşər övladının daxilindəki görünməz bağların nə qədər möhkəm ola bildiyini xatırladan, oxucunu ilk səhifəsindən özünə çəkən, səmimi və təsirli bir xatirə romanının mahiyyəti isə sadə və dərin bir sualda gizlidir: “Ev haradır?”