Fıstıq

📚 Fıstıq – Dostluq, Empatiya və İkinci Şanslar haqqında bir hekayə

Fıstıq restoranın həyətində yaşayan bir küçə iti və mehriban ofisiant Aqil arasında qurulan səmimi dostluqdan bəhs edən uşaqlar üçün yazılmış ürəkaçan bir kitabdır.

Biz hər gün küçə itləri ilə qarşılaşırıq — əksər hallarda onlara fikir vermir, bəzən isə yalnız qalıq sümük atmaqla kifayətlənirik. Çox vaxt valideynlər uşaqları bu heyvanlardan uzaq tutmağa çalışır, onları "çirkli" və "təhlükəli" adlandırırlar.

Bu kitabın məqsədi uşaqlarda empatiya hissini oyatmaq və onlara küçə heyvanlarına fərqli gözlə baxmağı öyrətməkdir.

Bakıdakı sığınacaqlar müxtəlif cinslərə və görünüşlərə malik gözəl itlərlə doludur. Fıstıq oxuculara bahalı itlər almaqdansa, artıq var olan canlara bir şans verməyin nə qədər vacib olduğunu göstərir.

🐾 Kiçik bir hekayə, böyük bir mesaj – Fıstıq hər bir uşaq, valideyn və heyvansevər üçün yazılıb.