İki rəssam

Bu kitab görkəmli ədib Mir Cəlalın 1941-ci ildə dahi Azərbaycan şairi Nizami Gəncəvinin 800 illik yubileyi münasibəti ilə hazırladığı silsilə nəşrləri əsasında tərtib olunub. Mir Cəlal Nizaminin “Xəmsə”sindən bəzi hissələri nəsrə çevirib. Anlaşıqlı, olduqca rəvan dili ilə seçilən əsərlər uşaq ədəbiyyatı nümunələri kimi işlənilib, dili sadələşdirilsə də orijinal əsərlərin məna yükü böyük ustalıqla saxlanılıb. Kitabda Nizami xəzinəsindən “Kərpickəsən”, “Xeyir və Şər”, “Fitnə”, “İki rəssam”, “İlin fəsilləri” hekayələri toplanılıb.