Mənəvi azadlıq

“Mənəvi azadlıq” Mürtəza Mütəhhərinin əxlaqi mövzuda olan ən dəyərli kitablarından biridir. Müəllif azadlıq anlayışını bir neçə aspektdən təhlil edərək bu nəticəyə gəlir ki, cəmiyyətdə fərdlərin azadlığını təmin etmək üçün insan öncə mənəvi cəhətdən azad olmalıdır. Mənəvi azadlıq isə insanın azğın, ipə-sapa yatmayan istəklərinə hakim olmasıdır. Mürtəza Mütəhhəri kitabda həmçinin nəfsin saflaşması üçün insanın hansı mərhələlərdən keçməli olduğunu çox anlaşıqlı şəkildə izah edir. Bu mərhələləri qeyd edərkən o, təkcə bir filosof kimi onları nəzəri cəhətdən açıqlamır, eyni zamanda böyük bir əxlaq ustadı kimi praktiki göstərişlər verir. Kitabda bundan savayı, “dua”, “tövbə”, “qeybə iman” kimi mühüm mövzulardan bəhs olunur.