Quşlarla pıçıldaşan qız

Çox uzaqlarda, küləkli bir sahil qəsəbəsində Kora adlı qeyri-adi qızcığaz yaşayırdı. Kora təbiətin dilini bilir, heyvanlarla, ağaclarla, an çox da quşlarla pıçıldaşırdı. Bir gün uşaqlar məktəbin bağçasında oynayarkən nə olsa yaxşıdır? Göydən başlarına... Zibil yağmağa başladı! Plastik, tənəkə qablar, çips torbaları... Heyrətlə səmaya baxanda başları üstündə dövrə vuran quşları gördülər. Axı quşlar birdən-birə niyə belə etmişdilər? Bu qədər zibil haradan idi? Hər kəsin gözü Koranı axtardı. Axı quşların dilini hamıdan yaxşı o bilirdi! Bəs, görəsən, Kora hara yox olmuşdu?