Tülkünün Üç Quyruqlu Nağılı

Müasir Finlandiya uşaq ədəbiyyatının gözəl nümunələrindən olan bu əsər bir tülkünün başına gələnlərdən bəhs edir. Kitab dostluq, tənhalıq, dəyər vermək və qarşı tərəfi anlamaq haqqında üç nağıldan ibarətdir. Müəllif tülkünün timsalında insanın məişət həyatını, çətinliklərini və mübarizəsini təsvir edir, məsləhət vermədən, adicə nağıl edərək oxucuya bunu aşılayır: Həyatda hər cür çətinlik ola bilər, bəzən hər şeyi öz axarına buraxsaq da, hər zaman çıxış yolu axtarmalı, gerçəyi görməyə çalışmalıyıq. Xoşbəxt olmaq, uğur qazanmaq və dolanbacları aşmaq öz əlimizdədir.