Yaşıdların təhlükəli təzyiqi

Bu kitab ilk dəfə İspaniyada 2020-cu ildə “Gemser” nəşriyyatı tərəfindən “The Power of Peer Pressure” adı ilə nəşr olunub. Cenifer Mur-Malinos və Con Devisin müəllifləri olduğu “Yaşıdların təhlükəli təzyiqi” əsəri yoldaşlarını təzyiqə məruz qoyaraq onları istəmədikləri hərəkətlərə təhrik edən lovğa qızların yaratdığı təhlükə və onların toruna düşən bir qız haqqındadır. KİMİNSƏ XOŞUNA GƏLMƏK, YOXSA DÜRÜST OLMAQ YAXŞIDIR? Mən heç vaxt yaşıdların təzyiqinin, onların baxışlarının ciddi təsirinin nə dərəcədə güclü olduğunu düşünməmişdim. Ta ki öz başıma gələnə kimi. Hər şey birdən-birə oldu: məktəbin “məşhur” qızları məni öz masalarına dəvət etdilər! Etiraf etməliyəm ki, bu qrupun üzvlərinin sahib olduqları üstünlüklər çox əyləncəli idi... Onların xoşuna gəlmək üçün özümün belə düzgün saymadığım əməllər törətdim. Bir müddət sonra hər şey dəyişilməyə başladı və mən özüm daha çox təzyiqlərə məruz qaldım! HANSISA QRUPA AİD OLMAQ, KİMİNSƏ XOŞUNA GƏLMƏK İSTƏYİ ÖZÜNƏ QARŞI DÜRÜST OLMAQDAN DAHA VACİBDİR?