Ağıla və qəlbə işıq saçan sözlər

Oxuculara dəyərli ərməğan – müdrik fikirlər kitabında insanın mənəvi aləmini, düşüncələrini, ideallarını əhatə edən, qəti və düzgün bir yol seçməkdə yardımçı olan “sehrli” aforizmlər toplanmışdır. Kitab tərtibçilərin uzun illər axtarışlarının bəhrəsidir. Bu fəlsəfi-didaktik fikir mücrüsü elm, mədəniyyət və siyasət aləmində tanınan, ictimai fikir tarixində öz misilsiz xidmətləri ilə seçilən görkəmli şəxsiyyətlərin zəngin irsindən qətrə-qətrə yığılan müdrik söz xəzinəsidir. Tam əminliklə demək olar ki, əlifba sırası ilə düzülmüş 150 mövzunu əhatə edən müdrik fikirlər toplusu uğurlu, xoşbəxt həyat və zirvələr sorağında olan insanların mənəvi aləmini kəhkəşan ulduzlar kimi işıqlandıracaq, onlara düzgün yol seçməkdə, qəti qərarlar çıxarmaqda yardımçı olacaqdır.