Axmağı tanımaq

A.M.Cəlal Şəngörün “Axmağı tanımaq” kitabı axıcı nəqli və elmi məsələləri cəmiyyətə əks etdirmək cəhdləri ilə oxucuların rəğbətini qazanıb. Dünyanın nüfuzlu elm adamlarından biri olan Şəngör cəmiyyətdə müşahidə etdiyi çatışmazlıqlara və boşluqlara həssas münasibəti ilə də tanınır. Məhz bu baxımdan narahatlıqları onu müxtəlif vaxtlarda baş verən hadisələrə münasibətini əks etdirən məqalələr yazıb çağırışlar səsləndirməyə sövq edib. Bu məqalələrin bir kitabda toplanması daha böyük oxucu auditoriyası qazanmağa nail olmaqla yanaşı, bizi cəmiyyətdə rastlaşdığımız hallara daha açıq gözlə baxmağa və yeri gəldikcə, fikrimizi bildirməkdən çəkinməməyə səsləyir.