Dağ başındakı oğlan

Əsərdə Fransada dünyaya gəlmiş, atası alman, anası isə fransız olan Pyero adlı oğlanın həyat hekayəsi ilə tanış olacaqsınız. Onun uşaqlıq illəri Parisdə keçib. Birinci  Dünya müharibəsinin iştirakçısı olan atası cəbhədə gördüyü dəhşətləri və törətdiyi vəhşilikləri tez-tez xatırlayıb əzab çəkir. Xanımı ilə yola getmir, nəhayət, bir gün evi tərk edir. Bir müddət sonra onun qatar altına düşüb öldüyünü eşidirlər. Bu kitabda kiçik bir uşağın nasistlərin təsiri ilə necə dəyişməsinin şahidi oluruq. Hər yeni addımda o, dostluq, sədaqət və vicdan arasında çətin seçimlər etməyə məcbur qalır. Bir zamanlar yaxın olduğu dostunu və saf uşaqlıq xəyallarını geridə qoyaraq, özünü başqa bir dünyanın sərt reallığında tapır. Bu kitab müharibənin ən böyük faciəsinin bəzən silahlarla deyil, ruhun içində baş verdiyini göstərir.