Doktor N

Çingiz Hüseynov “Doktor N” romanını on ildən artıq bir müddətdə, arxiv materiallarının üzə çıxarılması əsasında yazıb ərsəyə gətirib. İki hissəli bu romanın birinci hissəsində Nərimanov, ikinci hissəsində isə Məmməd Əmin Rəsulzadə əsas qəhrəman kimi təqdim edilir. Əsərin həsr olunduğu, ixtisasca həkim olan Nəriman Nərimanov – sağ qalan Bakı komissarlarından biri, Azərbaycanın İnqilab Komitəsinin sədri, SSRİ MİK-in (Mərkəzi İcraiyyə Komitəsinin) sədri olub və 1925-ci ildə müəmmalı şəraitdə vəfat edib. Ölümündən iki ay əvvəl o, oğluna məktubla öz vəsiyyətini yazmış və sanki gələcəyi görürmüş kimi, bizim onilliklər sonra anladığımız həqiqəti o vaxtdan dərk etmişdi.