Türk inqilabı və Atatürk

Təqdim etdiyimiz kitab Mustafa Kamal Atatürkün rəhbərliyi altında inkişaf edən Türk İnqilabı və yeni yaranmış Türkiyə Cümhuriyyətini müasir milli dövlətə çevirmək üçün siyasi, hüquqi, mədəni, sosial və iqtisadi siyasətdə edilən dəyişikliklərin xronologiyasıdır. Müəllif kitabda 1920−1937-ci illər arası Türkiyə Cümhuriyyətində baş vermiş inqilab və islahatları xronoloji ardıcıllıqla, təqdim edir. Burada hüquq, din, siyasət, iqtisadiyyat, əlifba, təhsil, elm, kənd təsərrüfatı, geyim, qadın hüququ, bank işi, elmi və siyasi təşkilatlar, konstitusiyada yeni inqilablar və islahatların baş verməsinin səbəbləri, baş vermə dövrləri tarixi əsaslarla izah edilir və oxucuya axıcı bir dillə çatdırılır. Kitabda inqilabların hər biri xronoloji ardıcıllıqla; əhəmiyyəti, funksiyası və faydalılığı baxımından müzakirə edilir. Akademik izahlarla verilən müvafiq qanun təmimnamələrindən və parlamentin müzakirələrindən istifadə olunub. Bundan əlavə, inqilabların bir-biri ilə əlaqələri cədvəllərlə aydın şəkildə izah edilib. Bu tədqiqat işi yalnız geniş oxucu kütləsi üçün deyil, həm də ibtidai, orta və ali məktəb tələbələri üçün faydalı olacaq əlavə dərslik kimi tərtib edilib.