Cart is empty

"Əli və Nino" nəşriyyatı

"Əli və Nino" Nəşriyyatı əsası 2005-ci ildə qoyulmuş müstəqil Azərbaycan nəşriyyatıdır. Məqsədimiz dünya və Azərbaycan klassikasını, dünya uşaq klassikasını, müasir dövrün ən qabaqcıl müəlliflərinin kitablarını Azərbaycan oxucusuna sevdirməkdir.

Biz 2013-cü ildə Azərbaycanda ilk dəfə olaraq yerli və gənc yazarlara dəstək məqsədilə Milli Kİtab  Mükafatı (MKM) təsis etmiş, qalib gələn yazıçıların kitablarını təmənnasız olaraq nəşr etmişik. 

 

Bizim hansı kitablarımız var (1).png

"Əli və Nino" nəşriyyatı dünya klassikasının ən dəyərli nümunələrini Azərbaycan dilində müxtəlif kitab seriyaları ilə çap edir. Bizim ən məşhur kitab seriyalarımız aşağıdakılardır.

 

"Qırmızı klassika" seriyası - bu seriyada dünya klassik ədəbiyyatının demək olar ki, bütün sevilən romanları yer alır. Bu seriyada Teodor Drayzer, Cek London, Lev Tolstoy, Fyodor Dostoyevski, Frans Kafka,  Tomas Mann, Jül Vern, Çarl Dikkens, Bronte bacıları, Ceyn Ostin kimi məşhur dünya yazıçılarının əsərlərini tapa bilərsiniz.

"Çiçəklənən klassika" - bu seriyada əsasən hisslər üzərində qurulan romantik əsərlər yer alır. Dünya ədəbiyyatının ən məşhur klassik romanlarından olan "Qürur və qərəz", "Emma", "Tufanlı yoxuşlar", "Dəmiryolu uşaqları", "Balaca qadınlar" kimi romanları bu seriyada tapmaq mümkündür.

"Dünya ədəbiyyatı klassikləri" - bu seriya adı altında dünya klassikasının şah əsərləri çap olunur. "Cinayət və cəza" buna misal ola bilər. 

"Azərbaycan klassikləri" - bu seriyada Azərbaycan klassik ədəbiyyatının şah əsərləri yer alır. "Qılınc və qələm" buna misal ola bilər.

"Mavi klassika" - bu seriyada Azərbaycan klassik və Sovet dövrü ədəbiyyatına məxsus müəlliflərin kitabları yer alır. Mikayıl Müşfiq, Cəfər Cabbarlı, İlyas Əfəndiyev, Məmməd Səid Ordubadi, İsmayıl Şıxlı kimi müəllifləri bu seriyada tapmaq mümkündür.

"Gənclər üçün eksklüziv klassika" - bu seriyada əsasən, erkən gənclik dönəmində olan oxucuların oxuya biləcəkləri klassik romanlar yer alır. "Ovod", "Qərb cəbhəsində yenilik yoxdur", "Teatr" kimi romanları misal göstərmək olar.

"Dünya uşaq ədəbiyyatı" - bu seriya daxilində dünya uşaq klassikasının ən dəyərli nümunələrini nəşr edirik. "Pollianna", "Şahzadə və dilənçi", "Tom Soyyerin macəraları", "Buratino" və s. kitabları buna misal göstərmək olar.

"Əli və Nino" nəşriyyatı uşaqlar üçün klassika əsərlər çap etməklə yanaşı, müxtəlif mövzuları əhatə edən uşaq ensiklopediyaları, xarici və xalq nağıllarımızdan toplular, balacalar üçün öyrədici vəsaitlər də nəşr edir.

Bundan əlavə, "Əli və Nino" Nəşriyyatının nəşr etdiyi uşaq kitabları yazarlarının arasında dünyanın ən çox oxunan və ən sevilən uşaq kitabları yazarları - Astrid LindqrenRoald Dahlın kitabları da yer alır. Artıq uzun illərdir ki azərbaycanlı uşaq oxucular və valideynlər Astrid Lindqren və Roald Dahlın macəra dolu kitabları ilə həyəcana atılırlar!

Biz dünya ədəbiyyatında və Azərbaycan ədəbiyyatında özünəməxsus yeri olan görkəmli müasir yazıçıların kitablarını da Azərbaycan dilinə tərcümə etdirərək nəşr edirik. Xalid Hüseyni, Luiza Hey, Çingiz Abdullayev, Anar kimi yazıçıların əsərlərini "Əli və Nino" Nəşriyyatının kitabları arasında tapa bilərsiniz.