Cart is empty

Return (exchange) of the order

Satın aldığınız məhsulu kuryer sizə çatdırdığı gündən etibarən 24 saat ərzində siz sifarişinizi geri qaytara,  3 gün ərzində isə sifarişinizi başqa məhsullarla dəyişə bilərsiniz.

 
Sifarişin qaytarılma şərtlərinə diqqət edin:
-Sifariş təhvil verilərkən sizə təqdim olunan qəbzin kuryerə, yaxud, mağazada kassirə təhvil verilməsi mütləqdir.
-Alınan məhsul (əgər bağlı halda idisə) açılmamış, zədələnməmiş vəziyyətdə olmalıdır.
-Məhsulun bütün əlavə aksessuarları tam vəziyyətdə olmalıdır.
-Əgər məhsulun üzərində hər hansı bir hədiyyə göndərilmişdisə, o zaman hədiyyələr də tam, zədələnməmiş halda geri qaytarılmalıdır. 
-Qaytarılma zamanı sizə təqdim olunan blankda (sənəddə) sifarişin geri qaytarılması səbəblərini, qaytarılmanın bütün detallarını dolğun şəkildə qeyd etməniz mütləqdir.
QEYD: Azərbaycan Respublikası Nazirlər Kabinetinin 114 saylı qərarına əsasən satın alınmış aşağıdakı məhsullar geri qaytarılmır və dəyişdirilmir:

1. İstehsal qüsurları istisna olmaqla bütün növ parçalar və ölçü ilə satılan bəzi mallar (lentlər, tesmalar, haşiyələr).

2. Parfümeriya-kosmetika malları.

3. Kişi, qadın və uşaq çimərlik paltarları.

4. Bağça yaşlı və yeni doğulan uşaqlar üçün alt paltarları.

5. Məişət-kimyası malları.

6. Şəxsi gigiyena əşyaları (diş fırçaları, daraqlar, biqudilər və s.).

7. Uşaq oyun və oyuncaqları.

8. İstehsal qüsurları istisna olmaqla istifadədə olmuş, üzərində yarlıklar olmayan kişi, qadın və uşaq corabları, alt paltarları.

9. Ərzaq üçün plastmasdan hazırlanmış məmulatlar.

10. Dəyəri ödənilmiş və mağazadan çıxarılmış (yararlılıq müddəti ərzində) ərzaq malları.
 
 
 
Sifarişin geri qaytarılması və dəyişdirilməsi vasitələri:
- Kuryer vasitəsilə (bu zaman geri qaytarılma üçün əlavə kuryer haqqı - 3 AZN - müştəri tərəfindən ödəməlidir.)
- Mağazlara yaxınlaşaraq (müştəri hazırda işləyən dörd mağazamızdan birinə - Fəvvarələr meydanı, Park Bulvar AVM, 28 May metrosu, Koroğlu metrosu - yaxınlaşaraq sifarişini qaytara, yaxud dəyişə bilər)
 
QEYD: Qaytarılma zamanı əməkdaşımız tərəfindən məhsula baxış keçirilir, əgər məhsul ideal vəziyyətdə olarsa, qaytarılma edilir.
 
 
Poçt vasitəsilə çatdırılmış sifarişlərin geri qaytarılma şərtləri:
-Rayonlardan, digər şəhər və ölkələrdən olan sifarişlərin geri qaytarılması poçt vasitəsilə həyata keçirilir. 
-Yaranmış əlavə poçt haqqı alıcı tərəfindən ödənilməlidir.
 
 
Qaytarılma zamanı ödənişimi necə geri alacağam?
- Əgər sifarişinizi nağd olaraq ödəmisinizsə, o zaman həm kuryer vasitəsilə  qaytarılma, həm də sifarişin mağazalarda qaytarılması zamanı ödəniş sizə nağd formada geri qaytarılır.
- Əgər sifarişinizin ödənişini onlayn şəkildə (plastik kart, yaxud Milliön) həyata keçirmişdinizsə, o zaman biz qaytarılma günündən etibarən məbləğin geri qaytarılması haqda banka sorğu göndəririk və sizin bankınız öz iş prinsipində nəzərdə tutulmuş (təxminən 5-40 iş günü) müddətdə ödəmiş olduğunuz məbləği sizin balansınıza geri qaytarır.
Zəmanət Talonu olduğu halda necə etməli?
Alinino.az saytı satışa təqdim etdiyi xeyli sayda məhsula (xüsusən elektronika məhsulları) zəmanət təqdim edir. Zəmanət müddəti müxtəlif məhsullarda fərqli müddət olaraq tətbiq ediril. 
Məhsulun təyinatı üzrə təlimata uyğun düzgün istifadə olunması şərti ilə, doldurulmuş zəmanət talonu məhsulun sahibinə texniki baxımdan, istehsal zamanı yaranmış nasazlığı olan və istifadəyə yararsız məhsulun dəyişdirilməsi və qaytarılması hüququnu verir.
One click buying (only for orders in Baku)