Ramazan ayı çox bərəkətli bir aydır. Bu ayın xeyri və faydası olduqca çoxdur. O qədər bərəkətli və müqəddəs bir aydır ki, İmam Baqir buyurur: “Ramazan Allahın adlarından biridir; o nə gələr, nə də gedər”. Elə bilməməliyik ki, bu ay sadəcə gəldi və getdi. Bu ay sabitdir, gəlib-gedən bizik. Bu ay çox yüksəklikdədir və hər dəfə biz bu ayın hüzuruna gedirik. Sanki Allah-taala bizi dünyadan qopararaq bir ay ərzində Ramazan ayının hüzuruna aparır və bu mübarək ayın qonağı oluruq, ucalırıq. Qonağı olduğumuz bu ayın oruc tutmaq, müstəhəb namazlar qılmaq, xüsusi zikrlər etmək kimi müxtəlif əməlləri vardır. Ramazan ayının əməllərindən biri də gündəlik duaları oxumaqdır. Müəllif “Bağışlanma ayı” kitabında həmin dualara sadə dildə şərh verərək bu ayda bizi Allaha daha da yaxınlaşdırmağa çalışmışdır.
Same category
comments0
comments