Cənnət məhbusu

“Cənnət məhbusu” ispan yazıçısı Karlos Ruis Safonun məşhur “Unudulmuş Kitablar Qəbiristanlığı” (“El Cementerio de los Libros Olvidados”) silsiləsinin üçüncü romanıdır. Əsərdəki hadisələr 1957-ci ildə Barselonada baş verir, “Küləyin kölgəsi” (“La Sombra del Viento”) və “Mələyin oyunu” (“El Juego del Ángel”) romanlarının qəhrəmanlarını birləşdirir. Romanın mərkəzində Daniel Sempere və onun dostu Fermin Romero de Torres dayanır. Ferminin sirli keçmişi və İspaniyada vətəndaş müharibəsindən sonrakı dövrün qaranlıq hadisələri yvaş-yavaş açılır. Kitab mağazasına gələn sirli bir adamın qoyub getdiyi müəmmalı məktub keçmişin dərinliklərində gizlənmiş faciəvi bir hekayəni üzə çıxarır. Danielin ailə sirləri və Ferminin keçmişdəki dustaqlıq illəri bir-birinə qarışaraq oxucunu həm emosional, həm də düşüncə baxımından sarsıdır. Safon bu əsərdə tarixi reallığı, sirr və fitnə-fəsad elementlərini, eyni zamanda, dostluq, sevgi və xatirənin gücü kimi universal mövzuları birləşdirir. Safonun üslubu hər zamankı kimi sehrlidir, o, tarixi realizmlə mistikanı, sevgi ilə xəyanəti, yaddaşla azadlığı ustalıqla birləşdirir. “Cənnət məhbusu” həm ayrıca roman kimi oxuna bilər, həm də Safonun dörd hissədən ibarət ədəbi silsiləsindəki hadisələri birləşdirən tamamlayıcı halqasıdır.