Cins geyimli səlibçi

Thea Beckman (1923-2004) Rotterdamda anadan olub. 1947-ci ildən yazmağa başlasa da, övladları böyüyəndən sonra özünü tam olaraq yaradıcılığa həsr edə bilib. Cins Geyimli Səlibçi ilk dəfə 1973-cü ildə nəşr olunub və dərhal uğur qazanıb, onu Hollandiyada yeniyetmələr üçün yazılan kitabların ən məşhur müəlliflərindən birinə çevirib. Xanım Beckman tarixin heyranı idi və bir çox tarixi dövrlər haqqında kitablar yazmışdır.

Yeniyetmələr üçün yazılmış Cins Geyimli Səlibçi romanı fantastik əsərdir. Burada on altı yaşlı Dolf zaman maşınının köməyi ilə Orta əsrlərə qayıdır. Səhv hesablama nəticəsində 1212-ci ildə Fransanın mərkəzində keçirilən cəngavərlər turnirinə deyil, Kölndən yenicə ayrılan Səlibçilərin Yürüşünə düşür. Çaşqınlıq içində görür ki, möcüzələr vəd edilmiş minlərlə mömin, xüsusən də inanclı uşaqlar mahnı oxuyaraq onun yanından keçib müqəddəs torpaqları qorumaq üçün yollanırlar. Lakin, elə həmin gün günorta saat beşdə Dolf zaman maşınında 20-ci əsrə qayıtmaq üçün razılaşdırılmış yerə qayıtmalıdır - hər şey yolunda getməsə fəlakətlə nəticələnəcək. Cins geyimli qəhrəmanın başına qeyri-adi hadisələr gəlsə də o sağ-salamat öz əsrinə qayıda bilir.