Diqqət, evdə uşaq var

Valideynlər qarşılarına ideal bir məqsəd qoyub uşaqlarını tərbiyə etməyə çalışırlar. Əllərindən gələni edirlər. Amma bütün bunlarla bərabər, valideyn- uşaq münasibətlərində problemlər, sıxıntılar, hətta ağır “qəzalar” baş verir. Deməli, nə isə qaydasında deyil. Qaydasında olmayan bir çox məsələlərin varlığı, arzuolunmaz müşahidələr bu kitabı dünyaya gətirdi. Ayrı-ayrı vaxtlarda yazılan, bir neçəsi dövri mətbuatda yayımlanan müstəqil məqalələri bir yerə toplayınca ortaya bu kitab çıxdı. Kitabda uşaq tərbiyəsində yol verilən xətalar, onların həll yolları, hətta səhv etməmək üçün əvvəlcədən verilən tövsiyələr əksini tapıb.