Gecə Vaxtı İtin Müəmmalı Ölümü

Gecəyarıdan yeddi dəqiqə keçirdi. İt missis Şirzin evinin qabağındakı çəmənliyin ortasında, otun üstündə uzanmışdı. Onun gözləri yumulu idi. Kənardan baxdıqda sanki o, böyrü üstə uzanıb qaçırdı, eynilə yuxuda pişik qovan itlər kimi. Ancaq it nə yatırdı, nə də qaçırdı. İt ölmüşdü. İtin bədəninə yaba sancılmışdı... Bu, sirli qətl barədə romandır , həm də çox fərqli bir roman. Qətli araşdıran isə Şerlok Holms hekayələrinin həvəskarı, Asperger sindromu olan 15 yaşlı Kristoferdir. O, yalan danışmağı bacarmır, riyaziyyatı çox sevir və astronom olmaq istəyir. Dünyadakı bütün ölkələrin paytaxtlarını əzbərdən deyir və 7507-ə qədər olan sadə ədədləri birnəfəsə sayır. Lakin o, insanın xoşbəxt və kədərli əhvalı arasındakı müxtəlif halları bir-birindən fərqləndirməyi heç cür bacarmır. Bu da oxucuya nəinki qəribə, hətta tamamilə anlaşılmaz görünür. Müasir İngiltərə ədəbiyyatının uğurlu simalarından olan Mark Hednin bu romanı 30-dan çox dilə çevrilmiş və elə ingilis dilində 10 milyondan çox satılmışdır. Əsər 2003-cü ildə İngiltərənin nüfuzlu “Kosta” mükafatına layiq görülmüşdür. Kitab müəllifin özünün də dediyi kimi, həm böyüklər, həm də balacalar üçündür.