Klodius Bombarnak

Qəhrəman Tbilisidən Pekinə qədər dəmiryolu səyahətinə çıxır və gördüyü yerləri, şahidi olduğu hadisələri təsvir edir. Roman yol qeydləri formasında yazılıb. Əsərdə texniki tərəqqi ideyası əsas yer tutsa da, onun ictimai yükü də az deyildir. Eyni zamanda, burjua cəmiyyətinin bir çox cizgiləri satirik qələmlə ifşa olunur. Romanda müxtəlif şəhərlər, xalqlar və tayfalar haqda bəzi yanlışlıqlar da vardır. Bu onu göstərir ki, müəllif istinad etdiyi mənbələrə, ayrı-ayrı alim və səyyahların məlumatına tam etibar edib. Belə yanlışlıqlar haqqında xüsusi qeydlərlə məlumat verilib. Bununla belə, bir çox müşahidə və nəticələri, habelə təsvirlər tarixi baxımdan həqiqətə tam uyğun gəlir.