Möcüzə

Bəlkə də, “həyatda hər şey mümkündür, heç nə imkansız deyildir” deyən insanlar hələ həyatın əsl imkansızlıqları ilə qarşılaşmayıblar. Təəssüf ki, biz insanlar istədiyimiz hər şeyi edə biləcək gücə sahib olduğumuzu düşünür və bu yolda özümüzü hədər edirik. Lakin həyatda “imkansız” anlayışı da vardır. Buna bir misal göstərmək istərdim.

İtirdiyin yaxınının simasını, səsini zaman keçdikcə, istəməsən də, unudursan. Uzun müddət bunları xatırlamaq mümkün deyil. Bəlkə də, “mən heç vaxt unutmaram” deyəcəksiniz, amma bu, insanın idarə edə bilməyəcəyi bir imkansızlıqdır. Qucaqlamaq istədiyində qucaqlaya bilməyəcək, onun sənin yaşadıqlarına necə reaksiya verəcəyini əsla bilməyəcəksən.

Hər şeyin mümkün olduğunu düşündüyümüz bu dünyada imkansızlıq bəzən gözlə görülə bilməyən səbəblərə görə baş verər…