Prezidentə sui-qəsd. Gizli cinayətlər - 2

SSRİ Nazirlər Sovetinin Birinci müavini vəzifəsindən uzaqlaşdıqdan, daha doğrusu Mixail Qorbaçovun təzyiqi ilə istefa verdikdən sonra onu bir neçə dəfə xəstəlik adı ilə "sakit ölüm"lə aradan götürmək istəmişdilər. Sonradan Heydər Əliyev Vətəninə qayıtdı. Ancaq Azərbaycana qədəm qoyduğu andan artıq həyatı yenə təhlükədəydi. Onu dəfələrlə həyatdan məhrum etmək istəmişdilər və bu sui-qəsd hallarının hamısı istisnasız olaraq siyasi xarakterli idi. Kitabda Ulu Öndərə qarşı planlanmış terror aktlarından danışılır, ancaq bir sui-qəsd kitabın əsas mövzusudur. Söhbət 1995-ci il iyul ayının 2-də raket və atıcı qurğudan istifadə etməklə xarici səfərdən qayıdan Azərbaycan Prezidenti Heydər Əliyevin təyyarəsinin vurulması üçün düzənlənən terror aktından gedir.