EN
Sevim Akın “Ulduzlar, hara belə?” romanı ömrünü hava proqnozları verməyə həsr edən adamdan danışır. Hamının Bulud adam kimi tanıdığı qəhrəmanımız doğum günü ərəfəsində təbrik gözlədiyi halda, bir neçə sətirlik məktubla işdən qovulduğunu öyrənir. Həyatdan küsən Bulud adam tamamilə dəyişəcəyinə, fərqli adam olacağına söz verir. Amma sən saydığını say, gör fələk nə sayır...
Bulud Adam göy üzündən küssə də, taleyi onu yenidən günəşə, buludlara, yağışa və ulduzlara yaxınlaşdırır. Açdığı kiçik dükan, satdığı təbii daşlar və qarşısına çıxan adamlar onun unudulmuş bacarığını yenidən üzə çıxarır.
“Ulduzlar, hara belə?” arzulardan, təbiətə bağlılıqdan, dəyişsək də, özümüz kimi qalmağın vacibliyindən danışan səmimi və düşündürücü hekayətdir.