Uzun Həsən

O, yalnız Azərbaycan deyil, bütövlükdə Şərq tarixinin ən görkəmli simalarından, siyasi və hərbi xadimlərindən biridir. Qurduğu Ağqoyunlu dövləti nəhəng coğrafiyanı – Cənubi Qafqazı, müasir İraq, Suriya və Türkiyənin bir hissəsini, həmçinin indiki İranın böyük bölümünü əhatə edirdi. Anası Saray (Sara) xatun isə Azərbaycanın ilk diplomat qadını idi. Söhbət Uzun Həsəndən gedir. Tanınmış tarixçi Əkbər N.Nəcəfin sizə təqdim olunan bu əsərində Uzun Həsənin həyatı və şəxsiyyəti ilə bağlı bir-birindən maraqlı faktlarla tanış olacaqsınız. Kitabda onun Osmanlı sultanı Fateh II Mehmetlə hərbi və siyasi-diplomatik münasibətlərindən, Qara Yusif və Əmir Teymurun xələfləri ilə mübarizəsindən ətraflı bəhs edilir.